沪语：聪明人聊天从来勿讲个四只话题

来源：茶禪一味

沪语改写、讲述：知足常乐

审核、指导：丁迪蒙

编辑：王乙其

聊天，是门艺术，良好个沟通，好加强彼此个了解；蹩脚个谈吐，只会得让人家心生戒备。有交关人，搭人打交道，会得有各种各样个勿顺利，搿侪是勿会讲闲话闯个祸呀！葛末，应该哪能介聊天呢？

搭人家聊天要保持距离，覅干涉忒多；闲话点到为止，覅胡天野地；讲闲话要有分寸，覅样样侪问；闲话要切合实际，覅瞎讲八讲！

聪明人聊天从来勿讲个四只话题。

第一，勿谈个人隐私

人家个隐私覅打听；人家个秘密覅去问。搭人交往一定要有距离，隐私假使人家勿想讲，就勿要盯牢仔问！就算勒背后头打听，也是对人家勿尊重。

人搭人之间，勿管关系是否近，勿打听隐私再是最好個分寸，做个有分寸个人，再会得让人家觉着搭侬相处是适意个，也只有搿能，再好长久交往。

第二，勿谈家庭矛盾

鲁迅讲过：人类个悲欢并勿相通。儂個屋里有儂个烦恼；伊個屋里有伊个琐碎。每个人侪需要努力经营自家，用爱告包容搭屋里人相处。

勿要一看见人就搭人家讲屋里个事体，要拨屋里人面子。尤其是搭外头人，侬告人家讲，人家也勿好帮侬，反而拿侬当谈资。迭能勿仅影响侬告人家个关系，也会得让侬个家庭矛盾更加多。家事，多提无益，家人，多去包容。

第三，勿谈经济状况

钞票多未必是幸福。聪明个人勿打听人家赚几化铜钿，也勿擺奎劲。搭人交往轻松随意，勿要多讲钞票，勿要因为自家比人家会得赚钞票，就看勿起人家；也勿要因为自家穷而觉着自卑。真正个朋友交往，是勿看侬是否有鈔票个，看个是人品；看侬哪能介做人。钞票并勿是衡量人幸福與否个唯一标准。勿讲钞票，避免误会，也好减少攀比，让生活更加轻松！

第四，勿谈过去得失

有眼事体过去就算了，要有忘记过去个豁达，有放过自家個智慧。有交关辰光，人侪勒留恋过去，因为舍勿得；侪会为过去遗憾，因为回勿去了。

聪明个人勿谈过去个成功，因为已经过去了；只搭过去去比较，因为阿拉要往前頭走。对阿拉来讲，过去只不过是人生个阅历，只好用来沉淀自家。有眼人老是活勒过去，葛咾伊拉错过个也会多，甚至会勒前行个路浪迷失自家。

希望阿拉侪能够做一个清醒、乐观、健谈个人，少讲讓人家勿开心个闲话，让人告人之间相处适意；让自家个生活简单、美好！

讲述：知足常乐

丁迪蒙

迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。

丁迪蒙所撰写的，与沪语相关的著作主要有：

《学说上海话》上海科技文献出版社

《听听说说上海话》少年儿童出版社

《实用沪语》复旦大学出版社

《上海话绕口令》少年儿童出版社

《上海方言词语使用手册》上海教育出版社

《囡囡学童谣》少年儿童出版社

《囡囡学成语》少年儿童出版社

《海上风情》上海教育出版社

继续滑动看下一个轻触阅读原文

海上梦叠向上滑动看下一个

原标题：《沪语：聪明人聊天从来勿讲个四只话题》

阅读原文