下载客户端

栀子花开食五黄（下）

2023-06-25 15:23

来源：澎湃新闻·澎湃号·湃客

原创沈嘉禄海上梦叠

作者：沈嘉禄

沪语改写、诵读：牛美华

文字、语音审核、推荐：丁迪蒙

编辑：王乙其

往期回顾

（注：炝虎尾，是端午五黄之一的黄鳝）

勒上海，好像没端午吃“十二红”个习俗，但吃“五黄”是拨保留着个。所谓“五黄”就是：黄鱼、黄鳝、咸蛋黄、黄瓜搭雄黄酒。现在雄黄酒是勿可以吃了。科学家认为，雄黄个主要成分为硫化坤，是提炼砒霜（雄黄以红黄色状像鸡冠者质较纯粹，要是是白色结晶或者碾碎辰光外红中白者，侪是含有砒霜之明证）个主要原料，吃雄黄酒等于勒吃砒霜。假使拿雄黄酒加热之后吃，伤害可能更加大。所以取而代之个是黄哈哈个陈酿。好在拨小囡佩香囊个习俗保留下来了，香囊做得越来越精致，也卖得越来越贵了，好一眼个，芳香气息到来年也勿散脱。

旧年，勒苏州吴江宾馆品尝端午宴，搿桌菜是勒“五黄”基础浪衍化成宴个。赛脆鳝、腊肉炖生麸肉丸鳝段、双黄咸蛋、簑衣黄瓜、蒜子烧大黄鱼咾啥侪是题中应有之事，还有道炒五黄、邪气具有民间意趣。取太湖地区五样常见食材：韭菜、虾米、茭白、银鱼、木耳，色泽浪个搭配也邪气有民间绘画个风格，青、红、黄、白、黑，与蟾蜍、蝎子、壁虎、蛇、蜈蚣五毒相对应，分别入锅煸香，最终合炒而成；咸鲜口味，吃个就是一个心愿。在江苏民间，百姓也是用韭菜、金针菜、木耳、银鱼、虾米咾啥一镬子一道炒。百姓相信吃了炒五黄，整个夏天就勿会得各种热病。通过食物来保健养生，怯病消灾，美好个心愿，也是数千年来中国人个风土民俗搭仔智慧个结晶。

端午宴浪个两款粽子，分别是素直个白米粽搭仔咸蛋黄肉粽，白米粽蘸玫瑰酱吃，风味卓绝，搿也是经典个姑苏风味。

端午时节，也是大黄鱼汛期形成个辰光。红烧大黄鱼、清蒸大黄鱼、糖醋大黄鱼、荠菜黄鱼羹，还有姑苏名肴松鼠大黄鱼，侪是经济实惠、风味卓绝个时令佳肴，宁波人欢喜吃咸菜大汤黄鱼，也是上海弄堂人家个家常风味。雪里蕻咸菜好像有种魔力，最能够衬托大黄鱼个本鲜。咸菜大汤黄鱼个鲜，是热烈奔放个、无拘无束个、坦坦荡荡个、载歌载舞个，就像一个阅人无数个美女，本身已经是玉树临风，又懂得哪能勒最有效个辰光里向、用最简洁晓畅个语言、最生动活泼个表情、来传递浓浓个感情。