下载客户端

沪语悦读：寻找“雨花石”，让自家延年益寿

2023-02-01 19:19

来源：澎湃新闻·澎湃号·湃客

原创三棵树海上梦叠

作者：三棵树

沪语改写：金慧玉

诵读：顾卫芳

审阅、推荐：丁迪蒙

编辑：王乙其

岁月悠悠，总归有眼人搭仔事体，或者模糊或者清晰个留勒记忆个深处，像溪流当中露出来个石块，碰勿碰就激起水花，让我伲个心里泛起涟漪。

勒精神层面，伊拉有得个价值，甚至要高于今朝，是值得品嚼搭仔分享个。岁月个厚度，朋友个情义，思维个深度，会得因此而加重。当然，人生就是选择，呒没果断个舍弃，就难有正确个选择。小溪舍弃平坦，回归大海个豪迈；黄叶舍弃树干，期待春天个葱郁。蜡烛舍弃躯体个完美，拥有一世个光明；心情舍弃凡俗个喧器，再好拥有一片宁静。但是岁月当中个搿些特殊个“雨花石”，却勿应该舍弃，值得拾起来珍藏好，遗憾个是，有得忒多人呒没注意到搿一点，等到意识到个辰光，往事已经成为了烟云，飘散勒历史个天空浪向，看勿到一丝个痕迹。

随牢仔岁月个更替，勒时光溪流个冲刷下头，伊拉留下来个印象往往会得发生勿同个改变，假使有记日记或者写博客个习惯，葛末，再加上哲理阳光个观照，文学甘泉个滋润，搿些石块就可能变成“雨花石”，纹路清晰，色彩丰富绮丽、质地通透圆润起来，相反个，就随岁月个流逝逐渐淡漠。最多有得一鳞半爪、甚至呒没了痕迹。

记录是桩老有意义个事体，伊会得让岁月增色。事实浪，交关史诗一样个文艺佳作或者发人深省个传世历史巨著，侪是凭借出色个记录再创作出来个。从某种意义浪讲，是拿过去岁月个一些片段再去过一遍，等于是延年益寿。相比走遍千山万水、觅长生妖丹炼药，搿个再来得更加实在。

大多数人对自家个祖宗，对家族绵延个历程描述勿清，所以，要弥补迭类遗憾个闲话，就要倡导重视记录，恢复修家史个传统。学历个高低、职位个大小、财富个多少侪无关紧要，重要个是要有心。

古代个史官往往由德高望重、学问极其深厚个人来担当，譬如西汉史学家、散文家司马迁。任太史令，后任中书令。发奋继续完成所写史籍，拨后世尊称为太史公、中国历史之父。伊以其“究天人之际，通古今之变，成一家之言”个史识、创作了中国第一部纪传体通史《史记》（原名《太史公书》）。拨公认为是中国史书个典范，搿本书从上古传说当中个黄帝时期，到汉武帝元狩元年，记载了长达3000多年个历史，是“二十五史”之首，拨鲁迅誉为“史家之绝唱，无韵之离骚”。但是，现在基层修志似乎普遍勿要求有历史学、史学、档案学、文学个学习背景：官员退休，为了安抚伊个失落之感，会得让伊来修志办“过渡”；在职干部呒没着落了，组织部因为伊有某个级别而勿考虑伊是否懂得历史、写过哪怕是一篇文史方面个文章，也会让伊到修志办去“负责”。一些史志虽然是修成了，但是错失、遗漏勿少，语言贫乏，可读性搭仔使用率侪邪气有限，溪流当中侪是平凡个石头，呒没雨花石。多数拨人束之高阁了。