下载客户端

春日鸟啾啾

2021-04-01 11:36

来源：澎湃新闻·澎湃号·湃客

原创褚福海海上梦叠

来源：苏州日报

作者：褚福海

沪语改写、讲述：边秦翌

推荐：丁迪蒙

编辑：王乙其

江南春来早。垂柳浪已经侪是嫩绿了，马路两侧茂盛个绿植顶浪向也透出了浅红个颜色。

大清老早，天还蒙蒙亮，我睏勒被头筒里七想八想。突然之间，窗子外头传过来“咕咕——咕”浑厚个声音，打破了宁静。我晓得，搿是斑鸠发出来个声音，伊栖息勒樟树浪向，离阿拉屋里勿远。呒没想到个是，此声方落，彼声再起，必过调成功了“啾，啾啾，啾啾啾啾”，一声声，婉转、清丽，从远到近，持续勿断。一时浪向，我呒没办法确定搿是阿里种鸟个鸣叫，但是伊拉已经搅得我心神勿宁，马上生出来要去会会伊拉个想法。

我一记头坐起来，套仔件羊绒衫，趿仔双拖鞋，直接朝走廊搿搭慢慢叫过去。

走廊个外头，是只邪气大个露台，从旧年开始，阿拉勒高头种了勿少花草搭时令蔬菜，像煞是只袖珍个苗圃，所以常庄引得斑鸠、麻雀，还有一眼叫勿出名字个鸟飞过来觅食，嬉戏。

就勒前几天，夫人撒勒一垄菜地里向个菜籽，拨眼睛老尖个斑鸠吃得所剩无几了。搿是一对体型勿是邪气壮个斑鸠，伊拉先是胆战心惊个勒菜地里向漫步，一歇歇俯首啄食，一歇歇抬头警惕个张望。看看呒没人来打扰伊拉，就慢慢叫放松，开始变得笃悠悠了。两家头吃饱之后，还一直勒勒 “咕咕——咕咕”叫，我虽然勿懂鸟语，但可以判定，应该是勒朝牢仔其他个同类发信号。

果然是个，邪气快，就“噗噗噗”飞来了三只斑鸠，一只只雄健彪悍。伊拉先看看四周，挨下来就埋头开吃。先前个伊对已经来过几趟了，两家头形影勿离，卿卿我我，看得出开是对恩爱情侣。迭个辰光，伊拉勒一道相互之间理理羽毛，亲亲嘴巴，等到后头个三只吃得肚皮滚壮了，再一道飞脱。

夜快头，夫人对我讲，今朝个菜籽侪白撒了，明朝再买两包伐。我存心问伊，哪能啦？伊有点失落，讲，侪拨鸟吃脱了。哈哈，吃脱就吃脱伐，伊拉开心就好。我劝伊。

两天之后，夫人又拿菜籽撒下去了，搿趟，伊想用塑料布遮起来，听我讲遮牢就晒勿到阳光，勿透气了，就勿遮了。作兴是“越鸟巢南枝”个缘故伐，七点多钟，伊对斑鸠夫妻又驾轻就熟个翩跹而来，勿再拘谨，也无须客套，落落大方个吃起来。吃好之后居然还靠近走廊迓迓叫个偷看，真是胆子大个精灵呀。就勒勒迭个辰光，一群像树叶一样个麻雀从天而降，勒露台浪向蹦来跳去，叽叽喳喳，看上去是邪气个闲适、写意。

我静静叫个坐勒房间里向，透过大窗门邪气有兴致个看勒海，伊拉一眼也呒没觉着我个存在，就像勒呒没人个地方一样、悠闲自如。

前客离去，后客即至。搿趟来个、是只翅膀搭背部是淡绿色、胸腹部有眼眼红里向带黄个鸟，模子要比斑鸠小脱一圈，比麻雀呢，要大两圈。伊是第一趟光顾阿拉个露台。伊只脚刚刚落地，就伸长仔头颈，晶晶亮个两只眼乌珠瞪勒海，朝牢仔周边扫瞄，看上去惊魂勿定，等到伊确认无虞，就开始勒盆栽个栀子花、天竺、桂花树之间寻寻觅觅。呒没寻到啥物事，就跳到伊垄菜地离，拿脚刨，用嘴巴啄，只头活络得勿得了，勿停个抬起来，磕下去。吃了几分钟，也可能差勿多饱了，就开心个连了。连牢仔发出轻微个“吱吱”声。作兴是因为呒没同伴搭理伊，搿只鸟觉着呒没意思，转身，展开翅膀就开溜了。

勒搿能介祥和个春日里，每日天听仔美妙动人个“吱吱”“咕咕——咕”“啾啾，啾啾”，对，还有 “叽叽喳喳”，阿拉搭仔鸟一道和谐相处，欣赏大自然个交响曲，感到妙不可言。是个，开心个勿单单是阿拉，连得鸟也难抑兴奋之情，勿停个歌唱唻。

——————————————————————————————

（通用语版）

江南春来早。垂柳上已缀满了嫩绿，马路两侧茂盛的绿植顶端也透出了浅红。

清早，天刚蒙蒙亮，我默默仰卧于被窝里遐思。忽然，窗外传来的浑厚的“咕咕——咕”声，打破了宁静。我知晓，那是栖息在离家不远处的樟树上的斑鸠发出的。令人始料不及的是，此声方落，彼声再起，不过换成了“啾，啾啾，啾啾啾啾”，一声声，婉转，清丽，自远而近，持续不断。我无法确定这是哪种鸟雀发出的鸣叫，可它们已搅得我心神不宁，遂生会会它们之念。

我一骨碌坐起，套件羊绒衫，趿上拖鞋，径直踱向走廊。

走廊外，是个偌大的露台，去年起，我们在那上面栽种了不少花草与时令蔬菜，貌似个袖珍苗圃，故而常引斑鸠、麻雀及不知名的鸟儿前来，觅食，嬉戏。

就在前几天，夫人撒在一垄菜地里的菜籽，被眼尖的斑鸠吃得所剩无几。那是对体型不甚壮硕的斑鸠，先胆战心惊地漫步在菜地里，忽而俯首啄食，忽而抬头警惕地张望。见没人惊扰它们，便渐趋放松，怡然自得起来。它俩饱餐后，还一个劲儿地“咕咕——咕咕”，我虽不懂鸟语，但可以判定，应该是在向同伴发信号。

果不其然，很快从远处“噗噗噗”地飞来了三羽斑鸠，个个雄健彪悍。略作环视，就埋头开吃。先前的那对已来过几次了，它俩形影不离，卿卿我我，看得出，俨然是对恩爱情侣。此刻，正一会儿梳理羽毛，一会儿缠绵亲嘴，直等到后来的三羽吃得腰圆肚鼓，才一起振翅飞走。

傍晚，夫人对我说，今天的菜籽白撒了，明日再买两包吧。我明知故问，怎么啦？她颇为失落道，全给鸟雀吃掉了。哈哈，吃了就吃了，它们开心便好。我劝慰。

两天后，夫人又撒下了菜籽，这次她本想用塑料布遮盖起来，听我讲盖住了晒不到阳光，不透气，随即作罢。许是“越鸟巢南枝”之缘故吧，七点多，那对斑鸠夫妻又轻车熟路地翩跹而来了，不再拘谨，无须客套，就落落大方地吃了起来。吃完后，居然还抵近走廊来窥探，真是胆大的精灵。就在那时，一群树叶样的麻雀从天而降，在露台上蹦来跳去，叽叽喳喳，看上去十分闲适惬意。

我静坐房内，透过大窗户饶有兴味地观看着，它们丝毫不觉我的存在，故而如入无人之境般悠闲自如。

前客离去，后客即至。这次突降来的是一只双翅与背部淡绿胸腹部略红微黄的鸟，个子小斑鸠一圈，却比麻雀大两圈。它是第一次光顾我家露台。它爪子刚落地，就伸长颈脖，圆瞪晶亮的眼珠向周边扫瞄，显得惊魂甫定，待确认无虞，开始在盆栽的栀子花、天竺、桂花树间寻觅。未果，则跳进那垄菜地，拿爪子刨，用嘴啄，机灵的头不停地抬起，磕下。吃了几分钟，或许差不多饱了，快活地接连发出轻微的“吱吱”声。或是没同伴搭理，孤鸟一羽甚觉无趣，转了个身，展翅开溜了。

祥和的春日里，每天听着美妙动人的“吱吱”“咕咕——咕”“啾啾，啾啾”，对，还有那“叽叽喳喳”，我们与鸟和谐相处，欣赏着大自然的交响曲，感到妙不可言。是的，开心的不仅仅是我们，就连鸟儿也难抑兴奋之情，不停地歌唱。

———————————————————————————————